Rama shtron iftar për besimtarët: Myslimanët e Shqipërisë nuk janë problem, por vlerë e shtuar

Kryeministri Edi Rama shtoi sot iftar për besimtarët për mbylljen e muajit të Ramazanit.

Rama tha se e shijon me naivitet këtë moment të muajit të madhërishëm të Ramazani, duke shtuar se është muaji ku na jepet mundësia ndjehemi mirë në besimin te njerëzia dhe rrjedha pozitive e jetës.

Më tej ai u shpreh se myslimanët e Shqipërisë jo që nuk janë problem, por janë vlerë e shtuar.

“Të gjithë u së bashku që dashamirësisht pranuat ftesën time për të qenë dëshmitare të frymë së vëllazërimit që i prin iftarit, mirë se keni ardhur!

Ky është iftar i posaçëm pasi imazhi i këtij iftari është imazhi i xhamisë së bukur të Ballies në Elbasan që u vlerësua me një çmim ndërkombëtar me arkitekturën, sot në Tiranë ka hapur dyert më në fund edhe Xhamia e madhe e Namazgjasë. Kjo sofër tradicionale më jep një ndjesi gëzimi dhe mund të them se më njëherë naiviteti e shijoj këtë moment të muajit të madhërishëm të Ramazanit kur na jepet mundësi të ndihemi mirë në besimin te mirësia e besimit, triumfi i dashamirësisë. Jeta duket më e bukur dhe më e lehtë, ndërsa shëmtitë e kohës duken më të papërfillshme. Kam sjellë sonte vargjet që i pati shkruat një poeteshë e re shqiptare, Jolanda Kodra e diplomuara në Itali.

Unë dua ta ndaj këtu me ju sonte bindjen time se myslimanët e Shqipërisë jo që nuk janë problem, por janë vlerë e shtuar”, tha Rama.

Ai shtoi edhe më tej, duke thënë se Europa sot ka nevojë për Turqinë dhe aleatët në Lindjen e Mesme, po ashtu edhe për shtetet e Ballkanit Perëndimor.

“Në profilin e saj të zbehur strategjik, Europa ka nevojë sot më shumë për Turqinë dhe aleatët e tjerë të Lindjes së Mesme sesa Turqia dhe aleatët e Lindjes së Mesme kanë nevojë për Europën e sotme.

Për të njëjtat arsye, BE ka nevojë sot për shtetet ballkanike dhe popujt e tyre pjesërisht myslimanë dhe tërësisht dhe rrënjesisht europianë, po aq sa ne kemi nevojë për BE-në”, u shpreh ai.