Kryeministri Edi Rama nuk i ka ndalur sulmet ndaj ish-kryeministrit Sali Berisha, ku madje akuzoi këtë të fundit në mënyrë indirekte për publikimin e pagave të 630 mijë qytetarëve shqiptarë.
Gjatë fjalës së tij, ai hodhi dyshime për Berishën, megjithëse nuk e përmendi me emër, duke pyetur se pse zëdhënës të gratanongrata paralajmërojnë të tjera?
“Ata të cilët janë shmangur nga mosekspozimi i të dhënave në media dhe kanë përdorur Whats App, mbase e kanë pasur parasysh këtë gjë. Edhe ky është një fakt interesant, nuk u shmangën herën e parë, janë shmangur këtë herë. Interesante, nuk aludoj. Kjo bazë ka dalë në një ‘tik tok’ para disa muajsh dhe nuk është përdorur, po është përdorur tani. Pse zëdhënës të gratanongrata paralajmërojnë të tjera. Është dorë qartësisht për konfuzion dhe pasiguri publike. Këtu nuk ka asnjë mundësi tjetër përveçse ne të vazhdojmë revolucionin dixhital. Mbase këtë e ka nxitur dhe fakti se për disa javë me radhë kemi ndërmarrë një tur sensibilizimi për të informuar qytetarët se do të mbyllen sportelet dhe do jetë gjithçka online. Ne nuk do të na pengojnë këta që hedhin gurin, fshehin dorën, nxjerrin fytyrën. Nuk dua të spekuloj, siç bëjnë ata”, tha Rama.
Discussion about this post