Kryeministri Edi Rama duket se është “prekur” nga deklarata e deputetes së PD Jorida Tabaku e cila në Kuvendin e mbajtur ditën e djeshme ka thënë se asnjë prej deputetëve nuk pi ujë në çezma për shkak të rrezikut të ndotjes.
Si specialist i propagandës, ai sot ka publikuar një video në Tik Tok duke pirë ujë nga çezma, si për të vërtetuar se uji është i pijshëm kur në fakt, me vite të tëra qytetarët kërkojnë zgjidhje pasi uji që rrjedh nga rubineti nuk është i pijshëm.
Në videon në Tik Tok Rama del duke pirë ujë nga çezma e shtëpisë, njësoj si Ramiz Alia i cili në vitin e fundit të pushtetit kur inaguroi ujësjellësin e Beratit piu ujë çezme dhe bëri gëzuar por me të njëjtin ndryshim që kryeministri jonë këtë video e ka hedhur në Tik Tok.
Tashmë është e ditur se kjo nuk është rastësi, por një nga lëvizjet e propagandës së kryeministrit për të përgënjeshtruar qytetarët.
“Ky është ujë Tirane, madje do pi edhe nga uji i detit, do nisem për Lezhë. Sa i mirë! Pini ujë Tiranë, e ti Jorida si tironse, pini ujë Tirone. Keni çezëm këtu të pi ujë çezme meqë thonë që nuk pihet ujë çezme. Hajde gëzuar. Jorida për të mira,”-thotë Rama në videon e tij.
@ediramatiktokGëzuar Jorida pi uj Tirone???♬ original sound – EdiRamaTikTok
Megjithatë, realiteti është krejt nga ajo çfarë shfaq kryeministri në rrjete sociale. Qytetarët e Tiranës ende edhe sot përdorin depozitat sipër pallateve dhe tarracave të shtëpive, pasi ujë 24 orë nuk ka dhe i rubinetit nuk është i pijshëm.
Discussion about this post