Kryeministri Edi Rama nuk është ndalur as ditën e sotme me komente në mbrojtje të Goran Bregoviç. Duke iu përgjigjur komentuesve në lidhje me qëndrimin që mbajti për artistin serb, kryeministri Edi Rama ka cekur edhe çështjen e Ballkanit të Hapur.
Në komentin e tij ai thotë se kjo është një rrugë për interesat tona dhe duhet të shtyjmë përpara për të mirën e fëmijëve tanë.
“Askush nuk te kërkon te harrosh asgjë, por e para mos ua bej te tjereve te keqiat qe te kane bere ata ty, pra mos i thuaj shkja e mos e urre një muzikant vetem pse flet gjuhen e tjetrit, sic bejne ata me ata qe flasin gjuhen tone dhe e dyta, Ballkani i Hapur eshte nje rruge me shume per interesat tona, prandaj s’kemi cfare presim po duhet te shtyjme fort perpara per te miren e krejt femijeve tane!” – shkruan Rama.
Rama ka habitur dje me deklaratën e tij kur tha se shqiptarët që shajnë dhe mallkojnë Bregoviç dhe serbët që shajnë Dua Lipën ndryshojnë vetëm nga gjuha, duke theksuar se ai nuk ka lidhje me krimet e luftës që i janë faturuar në Tiranë dhe Prishtinë. Ndërkohë që homologu i tij serb nuk ka mbajtur asnjëherë një qëndrim të tillë kur janë sulmuar shqiptarët nga shtetasit e tij, por përkundrazi u ka dal në mbrojtje.
