Kryeministri Edi Rama takon në New York Ministrin e Jashtëm të Emirateve të Bashkuara Arabe.
“Në takim është diskutuar për finalizimin e paketës së investimeve në Shqipëri”, shprehet Rama, ku e konsideron një mik të çmuar Sheikh Abdullah Bin Zayed Bin Sultan Al Nahyan.
Një tjetër pikë e bisedës, Kryeministri tregon që ka qenë dhe vizita në Tiranë e Presidentit të EBA, Sheikh Mohamed Bin Zayed Al Nayan, e para e këtij niveli.
“New York – Me Ministrin e Jashtëm të Emirateve të Bashkuara Arabe, mikun e çmuar Sheikh Abdullah Bin Zayed Bin Sultan Al Nahyan, folëm për finalizimin e paketës së investimeve në Shqipëri, si edhe për vizitën në Tiranë të Presidentit të EBA, Sheikh Mohamed Bin Zayed Al Nayan, e para e këtij niveli në vendin tonë.”, shkruan Rama.
Discussion about this post