Kryeministri Edi Rama ka mbërritur në Kosovë në kuadër të turit ballkanik që po zhvillon për Procesin e Berlinit që do të mbahet në muajin tetor në Tiranë.
Kreu i qeverisë zhvilloi një takim me presidenten Vjosa Osmani, e pritet të takojë edhe kryeparlamentarin Glauk Konjufca.
Rama mbërriti në Prishtinë pas vizitës në Shkup, ndërsa në aeroport u prit nga ambasadori ynë Qemal Minxhozi.
Pas përplasjeve që patën për mosmbajtjen e mbledhjes së dy qeverive Shqipëri-Kosovë, ende nuk ka një konfirmimin nga Albin Kurti nëse do ta presë Ramën në një takim.
Një ditë më parë kryeministri i Kosovës, Albin Kurti refuzoi një takim me kryeministrin shqiptar Edi Rama, i cili po e zhvillon këtë tur në në kuadër të përgatitjeve të samitit për Procesin e Berlinit që pritet të mbahet në tetor në Tiranë. Kurti kushtëzoi takimin me Ramën, ku i kërkoi atij zhvillimin e mbledhjes së përbashkët ndërmjet dy qeverive.
Kurti tha se do të mirëpriste Ramën të zhvillonin mbledhjen e dy qeverive e të firmosnin13 marrëveshjeve të përbashkëta për të cilat ishin dakordësuar më parë.
Discussion about this post