Kryeministri, Edi Rama, ka vijuar me dekaratat e tij tallëse kundrejt të rinjve, të cilët pasi i përzuri nga vendi i tyre, i akuzon edhe për mungesë vullneti për të punuar.
Gjatë një takimi me të rinjtë këtë të premte, Rama u shpreh se ata që thonë se në Shqipëri nuk ka punë, sipas tij nuk duan të punojnë. Sipas tij kushdo që realisht do punë dhe sukses, mund ta arrijë atë në Shqipëri më shpejt sesa jashtë vendit.
“Normal që ka vështirësi, pretendime, kërkesa, por po them që kush realisht do punë dhe sukses në këtë vend, mund të bëjë sukses që jashtë këtij vendi do të duhen shumë më tepër vite, sakrifica dhe shanset janë më të vogla”, u shpreh Rama.
Por ky nuk është rasti i parë që Rama tallet me të rinjtë. Në një kohë kur paga minimale mbetet ndër më të ulëtat në rajon, çmimet rriten vazhdimisht dhe qindra të rinj largohen çdo vit ai zgjedh t’jua faturojë fajin këtyre të fundit, në vend që të mbajë përgjegjësi për dështimin e qeverisjes së tij në mbështetje të tyre.
Discussion about this post