Avokati Spartak Ngjela ka komentuar sot gjatë një interviste televizive paralajmërimin e Edi Ramës për kryebashkiakët, duke iu thënë atyre se do t’i çojë në SPAK. Ngjela tha se deri diku qëndron dhe duhet marrë parasysh ajo deklaratë e kryeministrit, pasi mund të ketë marrë informacione nga agjenci të tjera lidhur me kryebashkiakët dhe punën e tyre.
Sipas Ngjelës, në këtë pikë që jemi të gjithë politikanët ndihen të frikësuar nga drejtësia. “Kryeministri mund të ketë informacione të tilla sepse janë vartësit e kësaj qeverie. Ka mundësi nuk e ka njoftuar SPAK-u por e kanë njoftuar agjenci të tjera. Por edhe Rama duhet të shkojë në vetting, madje ish ministrat duhet të jenë të parët. Një nga një e të tërë do kalojnë nga ajo vërë. Pronat duhet t’i provojnë se i kanë blerë me paratë e tyre. Politikanët janë të shqetësuar por nuk dinë të mbrohen. Unë them se çfarë thotë ligji. Këtë e kërkon ligji”, tha Ngjela. Ndërsa theksoi se ka ardhur koha të kemi një shtet të gjykatës dhe jo një shtet të qeverisë.
Discussion about this post