Kryeministri Edi Rama ka mbajtur një fjalë të shkurtër përpara nisjes së mbledhjes së Këshillit të Sigurimit në Organizatën e Kombeve të Bashkuara.
Rama theksoi edhe njëherë rëndësinë e vendeve pjesëmarrëse për t’u bashkuar në rritjen e presionit ndaj Rusisë, e cila ka nisur një “luftë të paprovokuar” në Ukrainë, duke shkaktuar pasoja dhe tronditje në çdo cep të botës.
“Të ndihmojmë Ukrainën të vetëmbrohet”, tha Rama.
“Këshilli i Sigurimit të do mbajë debatin e hapur për paqe në kontekstin e luftës në Ukrainë. I uroj mirëseardhjen presidentit Zelensky.
Nuk mund të ndodhte ndryshe, një luftë e paprovokuar, e padrejtë, që ka sjellë vdekje, shkatërrim për Ukrainën dhe jo vetëm për ta. Efektet e luftës përçojnë valë tronditjeje në çdo cep të botës.
Kjo është arsyeja pse duhet të mbetemi të angazhuar, për të sjellë në Këshillin e Sigurimit të vërtetën. Të kundërshtojmë atë mesazh që kërkon të justifikojë pushtimin dhe aksesimin.
Na duhet të mbrojmë aksionet shumëpalëshe, që kërkojnë të fragmentarizojnë më tej. Ky takim është i nevojshëm për të ndarë ide dhe mendime për paqen. Të ndihmojmë që Ukraina sot të vetëmbrohet, përçon mesazhin më të mirë sot.
Një garanci për ata që kërkojnë paqe dhe bashkëpunim. Do ta shfrytëzojmë këtë takim për t’i bërë thirrje Rusisë për t’u rikthyer në marrëveshjen e grurit”, tha ndër të tjera kryeministri Edi Rama, i cili do të drejtojë mbledhjen e Këshillit të Sigurimit.
Discussion about this post