Kryeministri Edi Rama së bashku me zëvendës kryeministrin Arben Ahmetaj, kanë dorëzuar sot çelësat për 112 apartamentet e reja në Valias, Kamëz për banorët që humbën strehën nga tërmeti i 2019. Por gjatë fjalës se tij ai nuk ka nguruar të thumbojë demokratët, duke u shprehur se ishin në maxhorancë në zonë, madje po ndikonin edhe tek fëmijët e tyre. Me ironi ai iu tha atyre që të gëzohen për shtëpitë edhe pse do kishin dëshirë që çelësat tua dorëzonin deputetët e PD.
“Këto janë pronë e patundshme e familjes tuaj. Kjo vlen për të gjithë ju dhe shumicën që janë demokratë, duken 4 orë larg. Nuk humbni gjë po të qeshni me gjithë zemër se shtëpi po merrni, jo ndonjë shkelm që të ikni nga shtëpia. Nuk është faji im apo i joni se e prisnit nga dikush dhe ua bëri tjetër kush. Kështu është jeta, të vjen nga se pret.
Për ju demokratët s’paska qenë kjo jetë se ju vu kundër, e ne vu kopshte, çerdhe, shkolla, shtëpia. Kështu që ju me gurë, ne me bukë. Nuk na vjen keq. Rëndësi ka që fëmijët, këta të vegjlit fare se të tjerët i keni prish që tani se bërtasin “Rama ik” 200 metra larg. Të jenë në kushte optimale si ju e keni dëshiruar të jetë e ardhmja e familjes tuaj,”-tha Edi Rama
Rama tha se ky program është ndërtuar në mënyrë të tillë që të jetë i barabartë për të gjithë, pavarësisht bindjeve
Discussion about this post