Pas protestave masive të zhvilluara në pothuajse gjithë qarqeve të vendit prej 4 ditësh, ku ajo me pjesëmarrjen më të madhe u mbajt sot nga qytetarët e Tiranës, kryeministri Rama ka dalë në një deklaratë për shtyp.
Ai pretendon se qeveria po mban barrën e lehtësimit të masave për biznesin e vogël, nga fatura e energjisë.
“Kjo është një faturë energjie. dhe është fatura e një konsumatori familjar, ka një çmim 4249 lekë, ndërkohë çmimi real ka qenë 7 herë më i lartë. Real i krizës energjetike që nuk ekziston. Qeveria për të mos e rritur asnjë qindarkë paguan në këtë faturë as më shumë e as më pak 254 mijë lekë. Dikush do të mbajë më shumë barrë. Kjo është një faturë energjie nga një nga 95 mijë faturat e biznesit të vogël dhe kjo faturë ka një çmim që është 16 mijë 450 lekë të reja. Qeveria futet këtu dhe paguan diferencën nga çmimi real që është shumë herë më i madh”, ka deklaruar Rama.
Rama tha se qeveria nuk ka bërë mjaftueshëm zhurmë për atë punë të madhe që po bën ndërkohë që tha se me të vërtetë kjo është një çmenduri por Shqipërisë i ra një çmenduri që ishte tërmeti.
“Qeveria mbase nuk ka bërë sa duhet zhurmë për atë që po bën. Mbase shumëkush nuk e ka pasur mendjen ta dëgjojë por ne nuk po lëmë të ndodhë një gjë që nuk kemi për ta lënë të ndodhë. Kjo qeveri nuk ka një metër tjetër për t’i matur gjërat. Kolegët në rajon thonë që kjo është një çmenduri si lufta, pandemia por këtij populli i ra një taksirat më shumë që është tërmeti. Qeveria do të rezistojë”, ka deklaruar Rama.
Discussion about this post