Kryeministri Edi Rama ka reaguar në lidhje me trazirat që ndodhën sot në PD, si dhe për akuzat e Lulzim Bashës dhe Sali Berishës ndaj tij. Përmes një postimi në Twitter, Rama ka gjetur rastin e iu bën thirrje demokratëve që të lenë pas këto grindje dhe të bashkohen të gjithë me qytetarët e tjerë pa protesta e rrëmuja. “Kur shoh këto dy kufoma politike që luajnë kështjellash në mes të Tiranës dhe fajësojnë njëra-tjetrën se kush është shërbëtori im, më vjen t’u lëshoj demokratëve një kushtrim të megjithëzemërt: Ejani t’i japim ç’ mundemi Shqipërisë, të bashkuar si shqiptarë, si qytetarë, si njerëz”, shprehet ai.
Më tutje Rama shkruan se demokratët duhet të lënë Sali Berishësn të merret me listën e zezë në të cilën është futur dhe të mendojnë më shumë për veten dhe të ardhmen e tyre, ndërsa nuk i ka kursyer as ironitë ndaj Lulzim Bashës. “Lërini në fatet e parashkruara humbësin kronik të selisë blu dhe personazhin pa seli të listës së zezë, të cilët të kujtojnë të dy fjalët e Xhokerit, “Skam asgjë për të humbur. Asgjë s’më dhemb dot më. Tashmë jeta ime është thjesht një komedi”! Sa u shkon ai llafi… Varu teneqet”, shkruan ai. Basha dhe Berisha akuzojnë njeri-tjetrin për lidhje me Ramën, ndërsa të dy hedhin akuza të forta ndaj kryeministrit.
Discussion about this post