Gjatë konferencës për shtyp ndodhi një incident mes Kryeministrit Edi Rama dhe disa gazetarëve që kishin ardhur nga Kosova për të ndjekur takimin midis Kancelares Merkel dhe liderëve të Ballkanit Perëndimor.
Organizatorja e mbylli konferencën, pa i dhënë të drejtën të bëjnë pyetje gazetarëve kosovarë, gjë që solli edhe revoltimin e tyre , të cilët kërkuan llogari për këtë gjest.
Në një moment Rama dëgjohet që i thotë “Me mua po por zonja Merkel nuk iu ka asnjë borxh.” Nga ana tjetër, gazetarët nga Kosova e quajnë të padrejtë dhe se kanë udhëtuar nga Kosova për të bërë pyetjet.
Pjesë nga biseda:
Organizatorja: Për shkak të axhendës duhet ta mbyllim.
Gazetarët: Mediat e Kosovës…Zoti Rama, jemi dhe ne këtu.
Edi Rama: Me mua po por zonja Merkel nuk iu ka asnjë borxh.
Gazetarët: Mediat e Kosovës…asnjë nga ne se le…në fakt e patën për zonjën Merkel. Zoti Rama, tërësisht u injoruam. Është e padrejtë. Kemi ardhur nga Kosova.
Kjo përplasje e Ramës me gazetarët nga Kosova vjen vetëm pak minuta pasi Kryeministri shqiptar nuk i kurseu kritikat për Kosovën në sy të Kancelares Merkel
