Rama udhëton drejt Francës, merr pjesë në Forumin e Paqes në Paris

Kryeministri Edi Rama do të udhëtojë drejt Francës ditën e sotme, ndërkohë që në Tiranë, Kuvendi do të mblidhet në seancë plenare.

Kryeministri Rama do të jetë në Paris, pasi do të marrë pjesë në Forumin e Paqes, ku pritet të jetë i pranishëm dhe kryeministri i Kosovës, Albin Kurti.

Të dy kryeministrat shqiptarë, ftesën e kanë marrë nga presidenti francez Emmanuel Macron.

Duke qenë se do të jetë në Paris, Rama nuk do të marrë pjesë as në konferencën për shtyp për prezantimin e Raportit të Komisionit Europian për Shqipërinë 2023.

Prezantimi i raportit do të bëhet nga zv/kryeministrja Belinda Balluku dhe ambasadori i BE-së në Shqipëri, Luigi Soreca.