Qeveria gjermanë bën të ditur se Kryeministri Edi Rama do të zhvillojë një vizitë zyrtarë në Gjermani, ku do të takohet me kancelarin Olaf Scholz. Lajmi bëhet i ditur nga vetë qeveria gjermane, ku sipas agjendës është parashikuar që takimi të zhvillohet më 11 prill në orën 18:00. Në njoftim thuhet se në qendër të bisedimeve me kryeministrin e një vendi aleat i NATO-s dhe kandidat për në BE do të jetë situata në Ukrainë.
Po ashtu dy liderët do të diskutojnë edhe për procesin e anëtarësimit të Shqipërisë në BE si dhe cështje të tjera dypalëshe në ekonomi dhe në politikën e jashtme. Më pas Rama dhe Scholz do të mbajnë edhe një konferencë të përbashkët për shtyp. Gjatë vizitës kryeministri Rama pritet të takohet edhe më Presidentin gjerman, Frank-Ëalter Steinmeier.
Discussion about this post