Gjatë konferencës me Von der Leyen, Rama përveç procesit të rindërtimit, është shprehur se me presidenten është diskutuar dhe në lidhje me procesin e integrimit të Shqipërisë në BE.
Sipas tij, në këtë takim ai ka marrë mbështetjet e saj dhe të gjithë Komisionit Evropian për zhbllokimin e vijimit të negociatave, ndërsa kanë diskutuar edhe për nisëm e “Procesit të Berlinit.
“Me presidenten kemi folur edhe për procesin, për situatën absurd që ndodhet vendi për shkak të bllokimit që ka bërë Bullgaria Maqedonisë së Veriut, ndërkohë që ne i kemi bërë të gjithë detyrat dhe presim që të vijojmë negociatat për BE-në. Nuk kam çfarë të them përveçse të falenderoj presidenten që është një avokate e palëkundur e procesit e cila gjithmonë ka qenë e bindur për rëndësinë e Ballkanit Perëndimor në BE dhe padyshim nuk ndalet duke nxitur këtë proces. Komisioni Evropian prej disa vitesh jep rekomandimin pozitiv për negociatat, i cili është i ashpër, por kur gjërat kalojnë në Këshillin evropian aty futet dhe politika dhe interesat e 27 vendeve anëtare. Kemi folur dhe për procesin e bashkëpunimit rajonal, ky presidentja njihet dhe si mbështetëse e kancelares Merkel e cila ishte dhe iniciatore për nisjen e “Procesit të Berlinit”, dhe ky është një proces i përafrimit të Ballkanit Perëndimor”, ka thënë Rama.
Kryeministri tha se Shqipëria do të shfrytëzojë dijen dhe eksperiencën e BE-së përmes procesit për t’u rritur dhe për t’u modernizuar vetë, teksa tha se për të ka rëndësi që Von der Leyen mendon që Shqipëria e ka bërë punën e saj.
