Një nga lajmet kryesore që qarkulloi gjerësisht sot në media ishte padyshim mbyllja e kolegjeve turke në Shqipëri. Ky vendim nisi sot me një nga kopshtet më të mirë dhe jetë gjatë, ai jo publik “Zubeyde Hanim”, me urdhër të Ministrisë së Arsimit. Kjo pasi dyshohet se institucionet në fjalë kanë lidhje me dijetarin Fethullah Gulen, një nga kundërshtarët më të fortë të presidentit aktual të Turqisë, Reccep Tayip Erdogan.
Ndërkohë nga ana e kryeministrit Edi Rama nuk pati asnjë reagim për ngjarjen në fjalë, kjo pasi ai është totalisht përkrahës i Erdoganit, duke u konsideruar si një nga varësit të tij më besnikë.
Por sot ai vendosi të “thyejë” disi heshtjen, ku deklaroi se Shqipëria do të pajiset me dron “Bajraktar” të armatosur, madje ka diskutuar dhe me presidentin turk për këtë gjë.
Spas kreut të qeverisë, ata do të përdoren për ruajtjen e territorit, ndërtimet pa leje dhe ndjekjen e personave në kërkim.
“Ne kemi biseduar për domosdoshmërinë e dronëve. Ata janë me pako. Shqipëria do të marrë dron Bajraktar të armatosur. Do të jenë 6 dhe do të shërbejnë për të gjitha për mbrojtjen e terrtorit, për konstatimin e vendeve ku mbillet bimë narkotike, për ndërtimet pa leje, për të gjitha.”, tha Rama.
Duket se kryeministri është më i shqetësuar për dronet luftarakë sesa për shkollat e rëndësishme turke në Shqipëri, që së shpejti do t’ju vihet dryni. Ndoshta “shpërblimi” që i ofron Erdogan në këmbim të mbylljes, është shumë herë më i vlefshëm, sesa një goditje në fushën e arsimit. Si gjithmonë, kryeministri dorëzohet para urdhërave të presidentit turk, pasi kjo nuk është dhe hera e parë që ndodh.
Discussion about this post