Rama “zgjohet” pas përmbytjeve, reagimi i parë për daljen e Vjosës nga shtrati

Kryeministri Edi Rama ka reaguar për herë të parë pas përmbytjeve që kanë nisur që prej ditës së djeshme pas daljes së lumit Vjosa nga shtrati.

Teksa shpërndan në “Facebook” raportimin nga terreni të Drejtorit të Përgjithshëm të Agjencisë Kombëtare të Mbrojtjes Civile, Haki Çako, Rama thekson se po punohet me të gjitha kapacitetet dhe pa ndërprerje në zonat e prekura.

“Në terren me të gjitha kapacitetet dhe pa ndërprerje, në zonën e prekur nga dalja e Vjosës prej shtratit të saj, si pasojë e reshjeve intensive”, shkruan Rama.

Dalja e lumit Vjosa nga shtrati ka shkaktuar problematika në disa fshatra duke sjellë përmbytje dhe probleme me qarkullimin, ndërsa një pjesë e banorëve janë evakuuar.