Leçe e Ylber Ramadanit i ka shpëtuar barazimit të nëntë të sezonit në Serie A, duke u rikthyer te fitorja me një gol klinikal në minutën e ’89 nga mesfushori i kombëtares shqiptare të futbollit.
Verdhekuqtë mposhtën Frosinonen e Marvin Çunit, në një sfidë plot spektakël në Stadio Via del Mare.
Vetëm pesë pikë mbi zonën e ftohtë të tabelës pas një serie prej 10 ndeshjesh pa fitore (6 barazime dhe 4 humbje), Leçe e Roberto D’Aversa dha gjithaçka në fushë për të rrëmbyer fitoren.
Vendasit hapën sfidën me golin e Roberto Piçoli që dërgoi topin në katërkëndëshin e mbrojtur nga Stefano Turati.
Frosinone barazoi sfidën me një gol të Kaio Jorge, i cili shënoi nga pika e bardhë e penalltisë.
Me kalimin e minutave të dyja ekipet krijuan disa shanse për gol, por Salentinët e gjetën mrekullisht atë me një goditje spektakolare nga ana e Ylber Ramadanit, i cili dërgoi në delir tifozët vendas.
Discussion about this post