Ramazan Rraja është arrestuar në ambientet e një lokali ku kishte shkuar të hante bukë një natë më parë. Nën shoqërinë e Luiz Konomit, gjithashtu të kërkuar nga policia, Rraja ishte ndaluar në një lokal në Urën e Gjoles në Fushë Krujë, në momentin që policia zbarkoi dhe i vuri në pranga të dy personave. Në brez mbante një armë zjarri.
Konomi i njohur si ‘Çupja’ ishte shpallur në kërkim si një nga dy personat që kërcënoi me jetë biznesmenin Eral Myftaraj për t’u tërhequr nga tenderi që fitoi nga Bashkia e Tiranës.
Ramazan Rraja u shpall në kërkim zyrtarisht pas dëshmisë së dhënë nga i penduari i drejtësisë Nuredin Dumani, i cili rrëfeu se pas ngjarjes së ndodhur më 1 nëntor të vitit 2021 qëndronte grupi i Plarent Dervishajt.
Pas dëshmisë u organizua dhe operacioni nga SPAK që u finalizua më 20 janar të këtij viti me 5 të arrestuar dhe katër të shpallur në kërkim.
U arrestuan Genti Nerjaku alias Akil Nerjaku, 40 vjeç, i cili i ka shpëtuar një atentati me snajper më 12 shtator 2022 në zonën e plazhit në Durrës, Marsel Deçka, 38 vjeç, agjent doganor (i afërm i Plarent Dervishaj), Endrit Sinani, 29 vjeç, Julian Pjetri, 45 vjeç dhe Bashkim Haxhija, 54 vjeç. Në kërkim janë ende: Plarent Dervishaj që tashmë ndodhet në Dubai, bashkë me Julian Meçen.
Discussion about this post