Kryeministri Edi Rama ka sulmuar sërish kreun i sindikatës së pedagogëve Sandër Kovaçin, lidhur me protestën e fundit të zhvilluar. Rama tha se disa prej pedagogëve janë në mësim ndërsa disa të tjerë janë duke ndjekur SHIK-sin e vitit ’97, duke iu referuar Kovaçit. Ai ka vijuar me sulmin, duke u shprehur se për llogari të nongratave, kujton se kreu i sindikatës po bën namin me protestën.
“E bëmë në konsultim kombëtar. Do e dyfishojmë edhe për nënat me dy fëmijë. Kemi rritur pagat për të gjithë. E dini kur i janë rritur më shumë pagat në këtë periudhë?! Pedagogëve. I janë rritur 15%. Nuk po them që i kanë pagat që të çohen dhe të duartrokasin. Përkundrazi duhet t’ia rrisim Akoma në të ardhmen. Shumica e tyre janë në mësim. Por janë një pjesë e tyre në drejtim e një SHIKS-i të vitit 97, që kërkojnë për llogari të non gratave dhe çorbës së rublave që të krijojnë idenë përmes ekraneve se si po bëhet nami. Si po zien një kusi e madhe me presion. Janë disa që dalin dhe mbushin ekranet për me demek një protestë të madhe që nuk ekziston. Jemi në një kohë kur nuk kemi mundësi të bëjmë ndalimin e kësaj vale që e ndjen e gjithë Europa”, tha Rama.
Discussion about this post