Kryeministrit Edi Rama ka dalë në një konferencë të përbashkët me ministrin e Drejtësisë Ulsi Manja ku nisur nga impakti që ka pasur në opinionin publik, ka sqaruar deklaratën drejtuar SPAK në Asamblenë e PS.
Ndërsa i ka kujtuar në formën presioni se mbush tre vite nga krijimi dhe ende nuk ka kapur asnjë “peshk të madh”, Rama i tregon SPAK si të bëjë punë duke i kërkuar të hetojë të gjithë personat e korruptuar në vend, pavarësisht statusit që kanë.
“Jemi sot këtu në vijim të një diskutimi që është ngjallur nga deklarata ime në Asamble lidhur me nevojën që SPAK të hetojë në mënyrë gjithëpërfshirëse korrupsionin e politikanëve dhe të gjykatësve e prokurorëve të korruptuar të cilët si të tillë janë përjashtuar nga procesi i Vettingut. Disa të tjerë e kanë komentuar si presion, apo përpjekje për të fshehur problemet. Për mua më e rëndësishmja është që ky diskutim të bëhet. SPAK mbush tre vjet dhe Vettingu edhe pak javë mbush 5 vjet. Dhe për pak vite pritja e popullit shqiptar për një drejtësi të barabartë mbush 35 vjet. Ndaj si dikush që për shkak të detyrës e ka udhëhequr politikisht dhe moralisht reformën në drejtësi në emër të forcës politike që i ka dhënë fuqi dhe mbështetje morale apo politike,” tha Rama.
Discussion about this post