Mbrojtësi spanjoll i Paris Saint Germain, Sergio Ramos është intervistuar nga kanali zyrtar i UEFA-s përpara takimit të skuadrës së tij përballë Bayernit të Mynihut dhe jo vetëm, pasi ai është pyetur edhe për të kaluarën, kryesisht në lidhje me largimin nga Reali i Madridit. Në lidhje me lamtumirën e tij ndaj mbretërorëve ai u shpreh:
“Largimi nga Reali ishte padyshim një ndryshim shumë i madh për mua. Synimi im është gjithmonë të vazhdoj, të luaj dhe të fitoj. Kam fituar shumë me atë klub, por mendova se ishte një mundësi e mirë për të ndryshuar ambient dhe për të provuar një eksperiencë të re, për të ndihmuar një ekip si PSG. Në fillim gjithçka ishte shumë e vështirë, por gjithçka ka dalë mirë, si në fushë për mua edhe për familjen time.”, tha Ramos fillimisht.
Më pas spanjolli foli edhe për takimin që Parisi do të luaj sonte ndaj Bayernit:
“Kur mendoj për Bayernin, mendoj për ndeshjen në të cilën realizova dy gola, në vitin 2014. Sigurisht, ne e dimë se Bayern është një nga skuadrat më të mira me të cilat mund të përballemi. Është një sfidë e komplikuar, por nëse kualifikohemi do të ishte një mesazh shumë pozitiv për të gjithë. Për të fituar Ligën e Kampionëve duhet të mposhtni më të mirët dhe Bayern është mes tyre çdo vit.”, deklaroi Ramos.
Discussion about this post