Trajneri i Paris Saint-Germain, Mauricio Pochettino ka folur së fundmi për mungesën e debutimit të Sergio Ramos me parisienët edhe pse ka muaj që është transferuar aty.
Duke folur për ‘Movistar +’, Pochettino është shprehur se ish-kapiteni i Real Madrid nuk është më ai i nivelit të 2014-ës.
“Ndoshta realiteti i Sergio Ramos është i ndryshëm nga ai i vitit 2014, ose nga ai i Messit dhe Neymar. Këta lojtarë janë kampionë të mëdhenj, por duhet të mësohen me realitetin. Ne i kemi të gjithë në mendje se ata ishin më të mirët, por ata duhet të jenë në nivelin e tyre. Nëse e marrin atë status, sigurisht që ne mund të arrijmë gjithçka. Por lufta fillon për të gjetur versionin më të mirë të secilit.”-ka thënë ai.
Me këtë deklaratë tekniku la të kuptohet se ai nuk është i kënaqur me asnjërin prej këtyre tre lojtarëve, nga të cilët pritet shumë./K.T/Gijotina.com
