Kryetari i AAK, Ramush Haradinaj ka qenë në Tiranë ditën e sotme, siç shprehet ai “në një takim vëllazëror me Kryeministrin e Shqipërisë, Edi Rama.”
“Diskutuam për zhvillimet që po kalon Kosova, Shqipëria dhe rajoni dhe për proceset që na presin, veçanërisht për sfidat e Kosovës në çështjet që kanë të bëjnë me dialogun, sigurinë dhe perspektivën e integrimeve euro-atlantike.
I kërkova kryeministrit shqiptar që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj.
E falënderova përzemërsisht për kujdesin e tij dhe të Shqipërisë në këtë periudhë jo të lehtë që po kalon Kosova.”, shkruan Haradinaj në rrjetin e tij social Facebook.
Discussion about this post