Antimafia Italiane ka publikuar një raport së fundmi ku përfshihet edhe Shqipëria, si një nga vendet me nivel të lartë krimi dhe për trafik droge. Raporti për vendin tonë nise me skandalin e madh Ndranghetta, si një plan i madh mafie dhe korrupsioni që ka kapluar ekonominë vendase. Në raport shihet se si kompani fiktive në Itali e Shqipëri përdoren për pastrim parash që vijnë nga aktivitetet e jashtëligjshme. “Shqiptarët janë të aftë për të trafikuar sasi të mëdha droge dhe kanë krijuar një rrjet bashkëpunimi edhe me turqit,” shkruhet në raport.
Grupet kriminale shqiptare janë konsoliduar në trafikimin e drogës, ndërsa ngre dyshime se Shqipëria është përdorur nga grupet autoktone italiane për pastrim parash. Vendet ku shqiptarët kanë më së shumti aktivitet janë Piemonte dhe Lombardia, kjo falë rritjes së konsumimit të heroinës, që vjen nga Turqia përmes Shqipërisë.
Metodat që përdorin shqiptarët
Sipas raportit, bie në sy se shqiptarët përdorin dhunën si zgjidhje të parë të mosmarrëveshjeve. “Organizimi kriminal shqiptar në Itali është ndër më komplekset e më të artikuluar në skenarin e kriminalitetit të huaj në Itali“, thuhet në raport.
Shqiptarët janë të aftë të transportojnë sasi të mëdha kokaine e heroine përmes bashkëpunëtorëve të tyre Shqipëri, në Amerikën Qendrore e në vendet e Ulëta, veçanërisht në Holandë. Aftësia e grupeve kriminale shqiptare për të vepruar në nivel globale për të siguruar sasi të mëdha droge e me çmime konkurruese ka favorizuar konsolidimin e marrëdhënieve të tyre me organizatat mafioze italiane.
Paktet që ata kanë arritur me njëri-tjetrin bëjnë që të mos kenë konflikte për territorin. Sipas raportit, mafia autoktone Ndrangheta, ka raporte të konsoliduara me kriminalitetin shqiptar e amerikano jugor.
Discussion about this post