Në buletin e ankesave të publikuara nga Agjencia e Prokurimit Publik evidentohet se bashkitë në vendin tonë vazhdojnë të japin tendera pa garë, për kompanitë e tyre mike.
Numri më i lartë i tenderave pa konkurrencë regjistrohet në Bashkinë Tiranë. Sipas të dhënave të publikuara këto shkelje janë evidentuar në fillim të këtij muaji, ku bashkia ka vendosur t’i japë një kompanie 6 milionë lekë për 2 muaj punë për shtrimin e një rruge.
Drejtoria e Rrugëve në bashkinë Tiranë në një tetor ka shpallur fitues kompaninë Korabi 2007 në prokurimin për blerje betoni për nevojat e Bashkisë për 2 muaj me një vlerë 5.9 milionë. Sipas dokumenteve zyrtare, në garë ka qenë vetëm kjo kompani dhe automatikisht merr dhe të drejtën e zbatimit.
Ndërkohë, Bashkia Lezhë i ka dhënë subjektit Leon Group 16.6 milionë lekë për furnizimin me ushqim të kopshteve, çerdheve dhe konvikteve të kësaj bashkie, me afat kohor 1 vit. Të dhënat tregojnë se edhe në këtë rast nuk ka pasur garë, pra kompania ka marrë të drejtën e projektit pa konkurrencë.
Rezulton se edhe në muajin shtator ishte po e njëjta kompani, e cila garoi për tenderin e materialeve të pastrimit për nevojat e kësaj bashkie dhe institucioneve vartëse të saj, me fond limit 2.586 milionë lekë.
Fituese rezultoi oferta e Leon Group që ishte 2.500 milionë që ishte dhe më e larta por dhe me diferencë të vogël nga fondi limit.
Denoncimet pranë APP i kanë bërë subjektet që kan këkruar të marrin pjesë në garë por janë skualifikuar pa iu dhënë kjo e drejtë.
