Ambasada amerikane në Tiranë ka reaguar pas raportit të Departamentit Amerikan të Shtetit për të drejtat e njeriut, sistemin e drejtësisë dhe korrupsionin që ka përfshirë vendin.
Përmes një postimi në Twitter, ambasada shkruan se gjetjet në raportin mbi Shqipërinë, kanë vënë re se të drejtat e njeriut duhet të përfshijnë një gjyqësor të pavarur, të lirë nga presioni politik, frikësimi apo korrupsioni.
“SHBA janë të përkushtuara për të vënë demokracinë dhe të drejtat e njeriut në qendër të politikës sonë të jashtme. Lexoni raportin e Departamentit të Shtetit mbi Të Drejtat e Njeriut. Siç vërehet në raportin mbi Shqipërinë të drejtat e njeriut duhet të përfshijnë një gjyqësor të pavarur, të lirë nga presioni politik, frikësimi apo korrupsioni. SHBA mbështet me forcë reformën në drejtësi për t’i dhënë fund pandëshkueshmërisë, për llogaridhënie të zyrtarëve të korruptuar, krimit të organizuar, dhe forcimin e sundimit të ligjit në Shqipëri”, shkruan ambasada.
Discussion about this post