Për raportin e Departamentit Amerikan të Shtetit për Shqipërinë, ka reaguar edhe kryeministri, Edi Rama. Kreu i qeverisë ka ironizuar gjetjet e raportit, ndërsa shkruan se “paska plasur peshku”. Në një postim në “Twitter”, kryeministri shkruan se DASH ka thënë më në fund ato që opozita ka thënë që në fillim. Në fund, Rama thotë se kush e lexon çdo vit këtë raport është copy-paste i vitit më parë.
“Paska plasur peshku për një raport vjetor të DASH se Amerika na paska thënë më në fund ato që opozitërat paskan thënë që në fillim! Kush e lexon çdo vit këtë raport e di që është aq shumë copy-paste i vitit më parë sa nuk figurojnë as arritjet që DASH i ka thënë vetë gjatë vitit” – shkruan Rama.
Kujtojmë se për raportin e DASH ka reaguar ish-kreu i Partisë Demokratike, Lulzim Basha, i cili është shprehur se ka konfirmuar akuzat e opozitës për korrupsionin, masakrën zgjedhore, veshjen me pushtet të kriminelëve, presioni ndaj medias. Ndërsa Komisioni i Rithemelimit nuk ka bërë asnjë reagim.
Discussion about this post