Kryetari i Partisë Demokratike Sali Berisha ka deklaruar se ka vetëm dy mënyra që mund të heqin njollën e Shqipërisë nga raporti i Dick Marty-t. I ftuar në emisionin “Opinion” në Tv Klan, Berisha tha se një prej mënyrave është lobimi te vendet mike, duke kërkuar mbështetjen e tyre. Ndërkohë që sipas tij mënyra e dytë është që trupi diplomatik shqiptar të mbledh firmat e vendeve mike dhe të hedh poshtë rezolutën.
“Kosakeviç paraqiti një raport, jo rezolutë. Edi Rama e fsheh raportin. Tani, nëse Shqipëria votonte kundër, do dilte e humbur. Nuk kishte një të drejtë vote. Edi Rama shkoi në Strasburg, i vuri vetes qëllim që të shpëlajë akuzat ndaj vendit të tij. Ajo shpëlahet me rezolutë. Nuk ka asnjë rezolutë në PE. Ti duhet të lobosh tek qeveritë mike dhe t’u thuash që jemi të akuzuar për këtë gjë. U thua të lutem më ndihmoni për të hequr këtë njollë. Edi Rama shkonte atje dhe u thoshte që hetimi u bë, rezultati është ky. Tani është në nderin tuaj që të na hiqni njollën. Rezoluta, ose nisej pas lobimit në disa vende anëtare, ose ndërmerrej nga delegacioni, ynë, ose merrte firma nga 5 vende mike. Rama ka bërë një shoë të turpshëm. Nëse duam të heqim një njollë, ka dy rrugë, ose të lobonte në vendet mike. Delegacioni ynë aty, bën një tekst rezolutë, mbledh firmat. Ky çfarë bëri, shkoi sikur ishte Enver Hoxha në Bukuresht, u tha keni humbur busullën morale. Absolutisht me një gjuhë që nuk e flet kurrë kreu i një vendi të lirë. Sulmoi Rusinë, Kosaçevin por e sulmoi shumë pak për Ukrainën. Mbrojti Beogradin, foli për Ballkanin e Hapur dhe e konsideroi të ngrirë procesin e Berlinit,” tha Berisha.
Discussion about this post