Në raportin e ILDKPKI thuhet se 518 zyrtarë të lartë dhe politikanë janë raportuar në drejtorinë e përgjithshme të Parandalimit të Pastrimit të Parave dhe në prokurori në shtatë vite. Vitin e shkuar kanë qenë vetëm 16 raste që kanë dalë nga verifikimi i 802 dosjeve.
Duhet thënë se në periudhën e mëparshme janë konstatuar me probleme 72 raste. Nga raporti mësohet gjithashtu se ky institucion ka gjobitur 130 subjekte për vonesat apo problemet me deklarimin e pasurive.
Veç dokumenteve të pasurive ky institucion ka bërë të ditur edhe vazhdimin e projektit të sinjalizuesve. Prej të ashtuquajturve bilbil-fryrës në rastin e dyshimeve për korrupsion, ILDKPKI ka zbuluar 11 raste.
Por nuk kanë munguar as kërcënimet ndaj tyre e ku ka pasur një denoncim dhe masë mbrojtëse ndaj hakmarrjes. Prej rasteve për denoncimet për korrupsion bëhet e ditur se vetëm një ka ardhur nga sektorët privatë dhe të tjerë janë të sferës publike.
Në raport thuhet se 6 raste denoncimi kanë qenë në Bashkinë e Tiranës ku dhe janë marrë masat dhe dy në drejtorinë e burgjeve. Në sitën e verifikimit të pasurisë kanë kaluar edhe 312 kandidatë për institucionet e reja të drejtësisë, përfshirë gjykatën kushtetuese, të lartë etj.
Po ashtu filtrin e kaluan edhe 82 konkurrentët për të qenë pjesë e byrosë kombëtare të hetimit.
Discussion about this post