Nënkryetarja e Partisë Demokratike, Jorida Tabaku, tha në një deklaratë për media se raporti i KLSH për inceneratorët provoi vjedhjen kolosale të qytetarëve shqiptarë.
Sipas deputetes demokrate, qytetarët kanë paguar 80 milionë euro për incineratorin që nuk ekziston, për të cilin Bashkia nuk përballoi dot projektin e panevojshëm për Tiranën, por Veliaj e firmosi”.
“Sipas të dhënave, Bashkia Tiranë ka vështirësi për ta paguar këtë kontratë. Në vitin 2018 ka paguar 23% të shërbimit, në 2019 47% dhe në 2020 ka përballuar 38% të shërbimit, që do të thotë që pjesa më e madhe vazhdon dhe rëndon mbi buxhetin e shtetit. Përditë e më shumë bëhet e qartë se përse Partia Socialiste është kthyer në mburojë dhe bllokuese të inceneratorëve. Sot e kësaj dite në atë që duhej të ishte Inceneratori i Tiranës, raporti i KLSH-së thotë se megjithëse është paguar një shumë, shumë e madhe, rreth 80 milionë euro, kanë përfunduar vetëm 2 nga 9 lotët e parashikuara prandaj sot qytetarët e Tiranës nuk janë duke e marrë shërbimin e incenerimit dhe kjo është shkelja më e lartë që indentifikon ky raport”, u shpreh Tabaku.
Sipas Tabakut, ky raport i KLSH tregon se PD ka qenë e drejtë në betejën e saj, ndërsa shprehet e vendosur se do ta çojmë dosjen përpara SPAK.
Discussion about this post