Raporti i KRIIK: Mazhoranca intimidoi Administratën për të marrë pjesë në zgjedhje

Përfaqësuesit e Koalicionit për Reforma, Integrim dhe Institucione të Konsoliduar Aksioni i Vëzhgimit për Zgjedhjet për Organet e Qeverisjes Vendore (KRIIK) ka bërë një raport sa i takon zgjedhjeve të 14 majit në vendin tonë. Dhe sikur kanë treguar incidentet gjatë ditës së djeshme dhe publikimet e shumta në media, këto zgjedhje nuk janë zhvilluar plotësisht komfort ligjit.

Antuela Male thekson se mazhoranca ka intimiduar administratën për të marrë pjesë në zgjedhje.

“Fushata e varfër në ide, me të pakta. Pikat problematike: Gratë kanë pasur pak ose aspak vend në fushatë me përjashtim të atyre që kandidonin.  Mazhoranca intimidioi Administratën për të marrë pjesë në zgjedhje dhe ne fushatë. Pati disa shkelje sa i takon heshtjes zgjedhore. Vlerësohet pozitivisht mbulimi nga ana e policisë për një mbarëvajtje te qete gjate dites se zgjedhjeve”. tha ajo. Ndërsa renditi edhe disa nga problematikat, siç janë fshirja e bojës, votimi familjar apo edhe thyerja e heshtjes zgjedhore.

Dritan Taula tha se edhe në këto zgjedhje politika shqiptare nuk ndoqi udhëzimet e dhëna nga OSBE/ ODIHR dhe se nuk u sigurua një proces zgjedhor në krah të qytetarëve. Më tej shtoi se në fushatën zgjedhore drejtuesit kryesor të partive politike janë marrë me sulme karshi njëri-tjetrit, dhe refuzuan të kishin fokus programet elektorale duke lënë në hije dhe kandidatët për kryebashkiak.

“Shteti shqiptar dhe politika nuk arritën të siguronin një proces zgjedhor të ndërtuar për qytetarët, po dështuan që këta të fundit të votonin të lirë. Vumë re se politika shqiptare dështoi për të reformuar kuadrin ligjor dhe duke mos marrë asnjë rekomandim të OSBE. Procesi reformues nuk ishte transparent dhe u zvarrit, edhe pse kodi ligjor e garanton këtë të fundit. Mbulimi mediatik dhe materialet propagandistike nuk ishte në linjën me frymën e asaj që garanton ligji. Politika shqiptare nuk adresoi asnjë nga rekomandimet. Raportimi online ishte vetëm për partitë i detyrueshme jo për kandidatët. Nuk pati asnjë hap konkret për një sqarim shterues apo fushatë ndërgjegjësues për qytetarët në lidhje me emrat e qytetarëve në listën e zgjedhjeve”, tha ai.