Kryetari i Komisionit Qendror të Zgjedhjeve, Ilirjan Celibashi ka bërë një thirrje për qeverinë dhe opozitën, vetëm dy ditë pas publikimit të raportit të OSBE-ODHIR për zgjedhjet parlamentare të 25 prill.
Në një reagim publik në rrjetin e tij në Tëitter, Celibashi kërkon nga palët që sa më parë të marrin parasysh dhe të adresojnë problemet e evidentuara nga raporti.
“Vlerësimet shumë pozitive për administrimin e procesit zgjedhor nga KQZ në raportin përfundimtar OSBE/ODIHR janë shtysë në përmirësimin e mëtejshëm të këtij aspekti. KQZ nxit qeverinë dhe opozitën që vërejtjet dhe rekomandimet e këtij raporti të adresohen sa më parë plotësisht. Konsiderimi i ekspertizës dhe gjetjeve të KQZ-së në ndryshimet e mundshme ligjore është me dobi për procesin e reformës të rekomanduar nga OSBE/ODIHR,”-shkruan ai.
