Shqipëria renditet në vendin e 30-të sa i përket zhvillimit ekonomik, bazuar në raportin për vitin 2022. Në raportin e publikuara së fundmi nga “2022 Index of Economic Freedom” përfshihen 45 vendeve në rajonin e Evropës dhe rezultati i Shqipërisë i përgjithshëm është nën mesataren e rajonit.
Sipas raportit, indeksi i lirisë ekonomike në vendin tonë pësoi përkeqësim të dukshëm në 2 vitet e fundit, për këtë arsye vazhdon të mbetet në rangun e mesëm të vendeve “Mesatarisht të Lira”. Ndërkaq, raporti del në përfundimin se problematika kryesore është korrupsioni dhe sundimi i ligjit nga pushteti.
Drejtësia e kapur nga politika
Sipas këtij raporti ekonomia shqiptare nuk konsiderohet e lirë dhe në kushte për të zhvilluar për shkak të mungesës së drejtësisë. Madje, tregohet qartë që drejtësia jonë është e kapur dhe e ndikuar nga politika. Ndër të tjera theksohet se, nuk mund të ketë zhvillim ekonomik për aq kohë sa në këtë vend niveli i burokracisë është shumë i lartë.
“Mbrojtja e pronës është e dobët, sepse një titull i qartë është i vështirë për t’u marrë, pjesërisht sepse manipulimi i gjykatave bën të mundur marrjen e titujve të paligjshëm dhe ndonjëherë të mbivendosur. Sistemi i regjistrimit është i pamjaftueshëm. Gjyqësori i nënshtrohet presionit politik, korrupsionit dhe burimeve të kufizuara. Rritja ekonomike pengohet nga korrupsioni endemik, zbatimi i pabarabartë i legjislacionit, burokracia e rëndë, shtrembërimi i konkurrencës dhe mungesa e transparencës”, thuhet në raport.
Barra e taksave rëndon mbi qytetarët
Një tjetër problematike që evidenton raporti është se në vendin tonë barra e taksave bie mbi bizneset e vogla dhe te qytetarët. Ndërsa theksohet se ndarja e taksimit nuk është e pabarabartë as mes subjekteve të të njëjtit nivel.
“Shkalla më e lartë e tatimit mbi të ardhurat individuale është 23 për qind, dhe shkalla më e lartë e tatimit mbi korporatat është 15 për qind. Barra e përgjithshme tatimore është e pabarabartë”, thuhet në raport, ndërsa problem tjetër i madh shihen shpenzimet pa kriteret nga ana e qeverisë dhe borxhi i lartë publik.
Largohen investitorët e huaj
Sipas raportit, të gjitha elementët që përmendëm më lart i largojnë investitorët e huaj nga Shqipëria. Në analizë thuhet se, të bësh biznes në Shqipëri mund të jetë e vështirë. Duke përmendur si probleme të tjerë nivelin e lartë të informalitetit në punë dhe shkelja e hapur e ligjeve nga institucionet publike, duke ndihmuar vetëm bizneset e tyre mike. / Përgatitur nga Gijotina.com/
Discussion about this post