Një ministre e qeverisë së Ganës në Afrikë mund të ketë menduar se po bën gjënë e duhur kur raportoi në polici se i kishin vjedhur shtëpinë. Por sipas BBC, Cecilia Abena Dapaah përfundoi vetë në pranga.
Sipas të dhënave, ajo kishte pasur shuma të mëdha në banesë.
Bëhet fjalë për shuma në kesh në vlerën e 1 milionë dollarëve, 300 mijë eurove, 350 mijë cedive ganezë me një vlerë prej 30 mijë dollar dhe të tjera gjëra me vlerë si një çantë 35 mijë dollarëshe dhe të paktën 95 mijë dollarë bizhuteri.
68-vjeçarja ka kundërshtuar të dhënat e publikuara në dokumentin e paraqitur përpara gjykatës, por ky zbulim ka zemëruar opinionin publik.
Kjo për shkak se vendi është në një krizë ekonomike dhe monedha vendase po humbet gjithmonë e më shumë vlerë. Kjo për shkak se njerëzit po grumbullojnë valuta të huaja.
Dapaah tha dorëheqje si ministre e kanalizimeve dhe burimeve njerëzore, një post që e ka mbajtur për pesë vite.
Të hënën ajo u arrestua nga Prokuroria Speciale, e cila e akuzon për korrupsion.
Discussion about this post