Marcus Rashford do të mbetet pjesë e futbollit anglez. Sulmuesi i kombëtares së Anglisë dëshironte të qëndronte në Manchester United, ndërsa “Djajtë e Kuq” dëshironin të njëjtën gjë. Pas kësaj dakordësie, gjithçka u firmos… dhe Rashford do vazhdojë aventurën me “Djajtë e Kuq”.
Sulmuesi anglez 25-vjeçar pranoi të rinovojë për pesë vite dhe të qëndrojë deri në verën e vitit 2028. Në fakt, ai refuzoi disa oferta si nga Anglia, ashtu edhe nga ekipe të tjera evropiane.
Rashford ka luajtur që nga fillimi i karrierës së tij te United, duke zhvilluar 359 ndeshje, ku ka shënuar 123 gola dhe 68 asistime për ekipin e parë.
Ai ka fituar një UEFA Europa League (2017), një FA Cup (2016), dy Kupa të Ligës (2017/2023) dhe një Superkupë të Anglisë (2016).
Discussion about this post