Për rastin e 11-vjeçares e cila është dhunuar nga pesë persona në Prishtinë, për dy ditë me radhë pati reagime të shumta nga shoqëria civile dhe figura publike.
Së fundmi, reperi Getinjo përmes një postimi në InstaStory, ka shprehur mendimin e tij lidhur me këtë rast, por shkrimi i tij i dedikohej më tepër atyre personave që komentojnë dhe “arsyetojnë” veprën makabre në fjalë.
“O njerëz të dashur! Leni bre komentet dhe postimet e tipit ‘Kqyre qysh vishet, kqyre qysh lyhet e sene-rende’, o jarana, o shoqëri, nuk janë këto arsye palidhje po i shkruani. Përdhunimi është i paarsyeshëm, pikë! Mos ju rastistë kurrë në familje se keni për ta parë dhe ndjerë vet. Ruaje fëmijën, ruaje veten, po më së shumti ruaje nderin”.
Pas postimit të parë, reperi ka bërë edhe një postim tjetër, i cili i ka bërë thirrje Kryeministrit të vendit, Albin Kurtin. Ai ka bërë kërkesë që të hapen shtëpitë publike në Kosovë, pasi sipas tij vetëm në këtë mënyrë do të ndalen këto fenomene negative të keqtrajtimit seksual.
“Albin Kurti, ndoshta dukuria negative ‘dhunim’ nuk ndalet përgjithmonë, por i sigurt jam që do të rraohet esktrem. Lejo shtëpinë publike, njerëzit që kanë probleme seksuale paguajnë dhe shkojnë shfryhen! Të kërkoj falje që të bëra tak (etiketim), por kryeministër të kam”.
Ngjarja e rëndë ka ndodhur në Dragodan në Prishtinë. Më 27 gusht, 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Katër nga pesë personat e akuzuar për përdhunimin e të miturës janë identifikuar dhe arrestuar. Dje u arrestua dhe i pesti, 19-vjeçari Shkëlqim Kameri.
Discussion about this post