Gjykata Evropiane e të Drejtave të Njeriut dënon shtetin shqiptar për rastin e Eduart Kolës. Shteti shqiptar duhet t’i paguajë Kolës, 3000 euro demshpërblim.
Kola u dënua me burgim të përjetshëm më 15 nëntor 2012 për vrasjen me paramendim të një roje nate në një gurore, më 24 shtator 2011. Ky dënim u anulua më pas nga Gjykata e Lartë për mungesën e arsyetimit adekuat në aktgjykim. Dënimi i përjetshëm i zotit Kola u konfirmua më vonë nga Gjykata e Apelit Shkodër, pas një rigjykimi.
Një apel kasacioni i paraqitur prej tij u gjet i pranueshëm më 5 mars 2021. Gjykata e Lartë ende nuk ka caktuar një datë për shqyrtimin e apelit të tij në themel.
Shqipëria ka pësuar reforma gjyqësore vitet e fundit, duke përfshirë, pas vitit 2016, ndryshimet kushtetuese, përbërjen e Gjykatës së Lartë, riorganizimin e gjyqësorit, verifikimin e gjyqtarëve, etj. Kjo ka bërë që gjykatat, përfshirë Gjykatën e Lartë, të punojnë me një numër të reduktuar të gjyqtarëve.
Gjykata e Lartë madje e ka gjetur veten pa kuorum. Më 12 shkurt 2021, në përgjigje të një kërkese nga Gjykata, Qeveria deklaroi se ngarkesa e Gjykatës e Lartë ishte 36,609 dosje/raste. Janë marrë masa për të zvogëluar numrin e mbetur.
Gjykata e Strasburgut konstatoi se Eduard Kolës nuk i është shqyrtuar ende apelimi i dënimit të tij me themel nga Gjykata e Lartë, ndaj shteti shqiptar duhet t’i paguajë atij 3000 euro. Gjithashtu, shteti shqiptar duhet të paguajë nga 1,200 për secilin rast për zvarritje të procesit gjyqësor.
Discussion about this post