Gjykata e Apelit la nën arrest me burg Ermes Hoxhallin, i hetuar për mashtrim kompjuterik.
Vendimi u dha nga gjyqtari Genti Dokollari.
I riu akuzohet se mashtronte me bursat përmes projekteve “Lets talk together about US 23” . Seanca u monitorua nga përfaqësues të ambasadës amerikane.
I riu nuk foli gjatë seancës. Avokati i tij, Saimir Visha kërkoi të kryhen hetime kush është pas mashtrimit.
“Klienti im nuk është IT, është në vit të parë tek Artet, me dy prindër që jetojnë në fshatrat e Devollit. Nuk ka mundësi që ai ta ketë bërë këtë gjë kaq te madhe”, u shpreh avokati.
20-vjeçari premtonte bursa studimi falas për në SHBA.
Sipas hetimeve: I riu, i cili kishte krijuar identitet të rremë duke u hequr si Klea Rama, mbesa e kryeministrit shqiptar, mundi të depërtonte në strukturën e Ministrisë së Arsimit, pa u takuar asnjëherë me asnjë zyrtar.
Discussion about this post