Futbollisti i njohur Paul Pogba aktualisht e gjen veten të pezulluar si masë paraprake nga Gjykata Kombëtare Anti-Doping pasi doli pozitiv për testosteronin sintetik në testin e dopingut më 20 gusht, në ditën e parë të Serie A të këtij sezoni. Është dashur të jetë viti i rinisjes së mesfushorit të Juventusit, por rrezikon të bëhet sezoni më i vështirë i karrierës së tij. Në ditët në vijim numri 10 i Juventusit do të duhet të vendosë nëse do të negociojë një skualifikim (duke pranuar të paktën një ndalim dy-vjeçar) apo do të shkojë në gjyq.
Dhe agjentja e tij, Rafaela Pimenta, ka ndërhyrë pikërisht për situatën e Paul Pogba, me shpresën se francezi do të skualifikohej. Këto janë fjalët e saj për The Guardian:
“Ne jemi duke punuar për një apel. Si avokate e di që kjo duhet të diskutohet vetëm në një nivel ligjor. Tani për tani e vetmja gjë që mund të them është se kam shpresë. Sa herë që i ndodh diçka e keqe, Paul bën të tijën. Më mirë të gjesh një mësim dhe ta mësosh. Më pëlqen ky aspekt i karakterit të tij, e kam trajtuar gjithmonë mirë dhe me respektin më të madh. E kam njohur kur ishte ende djalë dhe tani është baba i tre fëmijëve”.
Discussion about this post