Ndërsa vijojnë debatet lidhur me vendimmarrjen e GJKKO për caktimin e dy masave të sigurisë të kërkuara nga SPAK për ish-kryeministrin Sali Berisha, pa një autorizim nga Kuvendi, Edi Paloka ka publikuar në rrjet vendimin e Parlamentit në rastin e Saimir Tahirit.
Ndërsa e konsideron si shkelje Kushtetuese nga SPAK e GJKKO vendimmarrjen ndaj Berishës, Paloka ironizon ato që i quan si “profesionistë” që shfaqen studio më studio dhe justifikojnë shkeljet e institucioneve të drejtësisë.
Në pikën2 të kërkesës që Prokuroria i drejtonte Kuvendit në rastin Tahiri thuhet: Dhënien e autorizimit për ndalimin e daljes jashte shtetit, detyrimin për t’u paraqitur në policinë gjyqësore, ndalimin dhe detyrimin per qëndrimin në një vend të caktuar, si masa shtrenguese të heqjes së lirisë në kuptim të germave a), b), c) të nenit 232 të Kodit të Procedurës Penale të Republikes se Shqipërisë.
Pikërisht një nga masat që është aplikuar ndaj Berishës ka të bëjë me ndalimin e daljes jashtë vendit, për të cilën GJKKO miratoi kërkesën e SPAK, pa marrë autorizimin nga Kuvendi.
“Lexoni pikën 2 dhe pëpiquni të heshtni për të ruajtur integritetin “profesional” nëse ju ka mbetur”, shkruan Paloka.
Postimi nga Edi Paloka
Per te gjithe ata “profesionistet” qe vazhdojne te dalin studiove dhe kerkojne te justifikojne shkeljen e Kushtetutes nga SPAK dhe GJKKO .
Ky eshte vendimi i Parlamentit per Saimir Tahirin.
Lexoni piken 2 dhe perpiquni te heshtni per te ruajtur integritetin “profesional( ne se ju ka mbetur).
Vendimi i Parlamentit per deputetin Saimir Tahiri Tetor 2017👇
✅Pranimin e kerkeses së Prokurorise prane Gjykates së
Shkallës se Pare për Krime të Rënda Tiranë per:
✅1- Dhenien e autorizimit për kontrollin personal dhe të baneses për deputetin e Kuvendit të Republikes së Shqiperise Saimir Tahiri.
‼️2- Dhënien e autorizimit për ndalimin e daljes jashte shtetit, detyrimin për t’u paraqitur në policinë gjyqësore, ndalimin dhe detyrimin per qëndrimin në një vend të caktuar, si masa shtrenguese të heqjes së lirisë në kuptim të germave a), b), c) të nenit 232 të Kodit të Procedurës Penale të Republikes se Shqipërisë.
❌3-Rrezimin e kërkesës së Prokurorisë prane Gjykatës së Shkallës së Parë për Krime të Rënda Tirane për dhënien e autorizimit për masën e arrestit në burg ose në shtëpi për deputetin e Kuvendit të Republikës së Shqipërisë Saimir Tahiri, në kuptim të shkronjave d) dhe dh) të nenit 232 të Kodit të Procedures Penale të Republikës së Shqipërisë.
Discussion about this post