Greqia përshëndet miratimin e marrëveshjes për përcaktimin e zonave detare, ditën e djeshme nga Senati italian.
Marrëveshja ishte nënshkruar në qershorin 2020 në Athinë, me 223 vota pro dhe 2 abstenim.
Mediat vendase bëjnë me dije se me ratifikimin nga pala italiane ka përfunduar procesi i miratimit dypalësh, ndërsa pritet vendimi të zbatohet së shpejti.
Ndërkohë nga ministria e Jashtme e Greqisë ka deklaruar se marrëveshja evidenton përkushtimin e palës greke dhe vendeve fqinje ndaj të Drejtës Ndërkombëtare Detare, përkatësisht në Konventën e OKB për Detin, respektimi dhe zbatimi i të cilës përbën një detyrim për të gjitha vendet.
Marrëveshja kishte shkaktuar shqetësim dhe në palën shqiptare, për përcaktimin e ZEE Greqi-Shqipëri në detin Jon.
