Pjesëmarrja e qytetarëve që kanë votuar raundin e dytë në zgjedhjet e Maqedonisë së Veriut është 2 përqind më shumë, në krahasim me raundin e parë të zgjedhjeve deri në ora 17:00.
Kryetari i KSHZ-së Aleksandar Dashtevski, tha se pret që në orët në vijim të ketë dalje më të madhe të qytetarëve në votim. Ai gjithashtu njoftoi vazhdimin e votimit në disa vendvotime, për shkak të vonesës.
Poashtu pasditja ka sjellë një rritje të pjesëmarrjes së qytetarëve në votime në Dibër për zgjedhjet në Maqedoninë e Veriut.
Raportohet se në Dibër që ka vetëm një vendvotim dhe ku ka rivotim dhe jo balotazh, deri në orën 15:00, të drejtën e votës e kanë shfrytëzuar 400 qytetarë apo thënë ndryshe
51.4 %.
“Krahasuar me rrethin e parë, dalja është më e madhe për 22.6%”, tha kryetar i Këshillit Zgjedhor Komunal.
Më ai ka shtuar se më 17 tetor në këtë vendvotim deri ora 15:00 votuan 224 persona ose 28.8% nga gjithsej personat e regjistruar.
