Raundi i dytë i zgjedhjeve, nis numërimi i votave në Kosovë

Pas përfundimit të procesit të votimit, në Kosovë ka nisur menjëherë numërimi i votave.
Sipas KQZ, pjesëmarrja e qytetarëve në këto zgjedhje deri në orën 19:00 është 38.48% ose ndryshe 378 mijë e 730 qytetarë kanë votuar.

1 milionë e 260 mijë e 571 qytetarë kishin të drejtën e votës në këtë raund. Në total ishin 575 qendra votimi.

Lëvizja Vetëvendosje (LVV) ka garuar në 12 komuna: Prishtinë, Prizren, Gjilan, Shtime, Gjakovë, Rahovec, Fushë Kosovë, Podujevë, Kaçanik, Obiliq, Viti dhe Kamenicë.
Lidhja Demokratike e Kosovës (LDK) ka garuar në nëntë komuna: Prishtinë, Gjilan, Viti, Vushtrri, Istog, Fushë Kosovë, Dragash, Podujevë dhe Junik.
Partia Demokratike e Kosovës (PDK) ka garuar në tetë komuna: Drenas, Kaçanik, Shtime, Vushtrri, Malishevë, Prizren, Dragash dhe Klinë.
Aleanca për Ardhmërinë e Kosovës (AAK) ka garuar në pesë komuna: Gjakovë, Klinë, Rahovec, Junik dhe Istog.