Përveçse u përzgjodh në kryesinë e Partisë Demokratike, Jonila Godole tërhoqi vëmendjen e publikut edhe me qëndrimin e saj pro largimit të Sali Berishës nga PD për shkak se tashmë është pjesë e listës së zezë amerikane. Në një intervistë për një mediat, Jonila Godole dha një qëndrim pro amerikan, por duke kërkuar ndarjen përfundimtare të PD nga ish lideri historik i saj.
Ajo që bëri përshtypje ishte kur krejt papritur Rilindja Demokratike i dha zë këtij mesazhi duke e publikuar deklaratën Godoles. Organi zyrtar i Partisë Demokratike e mbajti për disa çaste të publikuar lajmin.
Por, në mënyrë të beftë, “bomba” e Godoles u fshi dhe redaksia e RD që kërkoi ndjesë lexuesve për shkrimin e publikuar, ndjesë e cila mesa duket ishte edhe për lexuesin Sali Berisha.
Qëndrimet e Godoles shkaktuan jo pak zhurmë në PD pasi në telefonat e të zgjedhurve të ri mbërriti një sms nga kryetari i grupit parlamentar, Alfred Rushaj, i cili u ka dërguar drejtuesve të rinj ku i kërkon që të mos dalin në intervista mediatike, apo të japin qëndrime për çështje të caktuar, pa u koordinuar më parë me linjën politike të partisë.
Gijotina.com
