Kryetari i Grupit Parlamentar të Partisë Demokratike, Gazment Bardhi, ka reaguar ashpër pas deklarimeve të fundit, duke kundërshtuar pretendimet se stafi i PD ka refuzuar njoftime nga SPAK.
Sipas Bardhit, Prokuroria e Posaçme nuk ka dërguar asnjë njoftim drejt grupit parlamentar, çka e bën të pavërtetë çdo pretendim për refuzim nga ana e stafit politik.
Ai akuzon Kuvendin e Shqipërisë për përhapjen e një “gënjeshtre të qëllimshme”, ndërsa kritikon edhe SPAK për faktin se “ka lejuar keqinformimin të përdoret për interesa politike”.
Bardhi thekson se në asnjë prej kutive postare të deputetëve të PD, të vendosura në ambientet e Kuvendit, nuk gjendet asnjë njoftim i depozituar nga administrata.
Duke e cilësuar situatën si një inskenim të mazhorancës, ai shpreh keqardhje për “keqpërdorimin politik të Prokurorisë së Posaçme për propagandë të ditës”.
“Ofrimi i shërbimeve postare nuk është detyrë e stafit tonë politik,” – nënvizon Bardhi, duke shtuar se si Prokuroria, ashtu edhe Kuvendi e dinë saktësisht këtë fakt.
Ai përfundon duke e konsideruar çështjen një tjetër tentativë të mazhorancës socialiste për të manipuluar opinionin publik përmes SPAK.
Discussion about this post