ë prag të nisjes së sezonit të ri politik, të legjislaturës së re të dalë nga zgjedhjet e 11 majit, e mandatit të katërt të kryeministrit Edi Rama, disa ambasadorë në Tiranë kanë zhvilluar sot një takim pune me krerët e institucioneve të drejtësisë.
Ka qenë ambasadori i Mbretërisë së Vendeve të Ulëta në Shqipëri, Reinout VOS, ai që ka mbledhur në një mëngjes sot krerët e institucioneve të drejtësisë, konkretisht, Inspektorin e Lartë të Drejtësisë Artur Metani, kreun e Këshillit të Lartë Gjyqësor Ilir Rusi dhe kryetaren e Këshillit të Lartë të Prokurorisë Mirela Bogdani, e bashkë me ta edhe ambasadorin e delegacionit të Bashkimit Evropian në Shqipëri, Silvio Gonzato, të ngarkuarën me punë të Ambasadës së SHBA-ve Nancy VanHorn, ambasadorin e Italisë Marco Alberti, ambasadoren e Austrisë Monika Zach, diplomatë të ambasadës së Francës dhe të Gjermanisë në Shqipëri.
Ambasadori holandez Vos ka postuar një foto nga takimi në rrjetin X, duke zbuluar edhe përmbajtjen e diskutimeve mes krerëve të drejtësisë dhe diplomatëve të pranishëm.
“Ne organizuam një mëngjes pune me institucionet e drejtësisë në Shqipëri (ILD, KLP KLGj) dhe partnerët diplomatikë. Roli i institucioneve të pavarura është thelbësor për avancimin e integrimit në BE, përmes zbatimit të reformave, garantimit të pavarësisë dhe forcimit të llogaridhënies.”, shkruan ambasadori Vos.
Javët e fundit, kryeministri Rama ka bërë disa sulme publike nominale ndaj disa magjistratëve, duke sjellë edhe reagim nga institucionet e drejtësisë.
gijotina.com/
Discussion about this post