Kryetari i Partisë Demokratike Sali Berisha i është përgjigjur ish-kryedemokratit Lulzim Basha në lidhje me projektin e ndërtimit të Portit të Durrësit.
Berisha tha se administratori i kompanisë së kunatit të ish-kreut të PD Lulzim Basha punonte në kompaninë EMAAR. Kreu i selisë blu u shpreh se Lulzim Basha po kopjon Edi Ramën pasi reagimet e tyre janë të njëjta.
Berisha: Ky kopjon Edi Ramën në deklarata. Mjerim. Se kam thënë e kanë thënë mediat të cilat gjetën administratorin e kompanisë Simphony e krijuar nga kompania EMAAR e Durrësit që doli se ishte administrator i kompanisë së kunatit të Lulzim Bashës.
Gazetarët nxorën dokumente se ky emëronte e shkarkonte tek kompania e kunatit. Ai tha ka dhënë dorëheqjen dhe unë e besova. Kur ky njeri tani i dorëhequr rezultoi se ishte fals dorëheqje. Ky vazhdonte punën këtu dhe vazhdonte punonte tek EMAAR.
Në një postim në Tuitter ish-kryedemokrati Lulzim Basha tha se sa herë që kërkon të fshehë diçka, “nongrata” (Berisha), hap thesin e shpifjeve.
Ai ‘shënjestroi’ dhe kreun e Partisë së Lirisë Ilir Meta, të cilët i cilësuar si Trekëndëshi i Bermudës. Basha hodhi poshtë akuzat e bëra nga Sali Berisha.
Discussion about this post