Është një nga arsyet pse ajo është kaq e njohur në mbarë botën – përtej muzikës së saj. Një video e re ka kapur daljen e Taylor Swift nga një festë në Nju Jork pas premierës së filmit “Poor Things”, nga Giorgos Lanthimos, e veshur me një pallto të zezë maxi. Por tema jonë nuk është ajo, por reagimi i saj kur kupton se në publik ka një fanse shumë të vogël të saj. Pastaj ajo bën diçka të papritur: në vend që të hipë në makinë ajo kthehet mbrapa dhe e përqafon fort.
Taylor Swift është shpallur personi i vitit 2023 nga Time, duke e shfaqur atë në kopertinë. Më konkretisht, revista shkruan: “Në intervistën e saj të parë të thelluar në gati katër vjet, Swift flet për vitin kur theu rekorde të panumërta, përgatitjen e saj intensive për turneun Eras, ri-regjistrimin e albumeve të saj dhe jetën publike sipas kushteve të veta’.
“Ndjehem sikur është momenti më i rëndësishëm i karrierës sime, që ndodh në moshën 33-vjeçare”, thotë Swift. “Dhe për herë të parë në jetën time, unë isha mjaftueshëm e fortë mendërisht për të duruar atë që nënkupton”.
Discussion about this post